Obradoiro de Samain MUPEGA

Bo día!

Achégase o Samaín e dende o Mupega retomamos as actividades didácticas que viñamos organizando ao longo do curso escolar.
Celebraremos un ano máis esta data cun contacontos e faremos unha actividade na que se traballará a creatividade.
Data: venres, 26 de outubro, ás 17:45 horas.
Duración:1hora.
A actividade é de balde e dirixida a nenos e nenas de 5 a 10 anos
Número de Prazas:20
Forma de Inscrición. É imprescindible  para formalizar a inscrición enviar os seguintes datos: o nome e apelidos, data de nacemento, centro educativo do neno ou nena que desexa asistir e un teléfono de contacto. A inscrición farase enviando un correo a esta dirección:

museo.pedagoxico.galicia@edu.xunta.es

O correo debe ser enviado polo pai/nai/ titor do neno ou nena que se queira inscribir.
Tomaranse fotografías ou vídeos que ilustren a actividade, en ningún caso serán primeiros planos. Ditas imaxes teñen como fin que poidamos difundir na nosa páxina web as actividades de balde que organizamos.
Lembrade que a inscrición, polo feito de ser gratuíta, leva aparellado o compromiso de asistencia, para que todas as nenas e nenos participantes poidan desfrutar dunha experiencia óptima. No caso de non poder asistir unha vez inscritos/as, rogamos encarecidamente que se dea aviso coa suficiente antelación por correo electrónico ou por teléfono (981 540 155/56); deste xeito, poderán desfrutar da actividade outros nenos ou nenas en lista de espera.
Esperámosvos!
Un saúdo

Silvia Veiga Salgado
Susana Alonso Lorenzo

Área de Didáctica

Museo Pedagóxico de Galicia - MUPEGA
Consellería de Cultura, Educación e Ordenación Universitaria
museo.pedagoxico.galicia@edu.xunta.es
981 540 155/56

--