Actividades de educación medioambiental

Somos un grupo de veciños do barrio do Castiñeiriño interesados tanto en compartir recursos e coñecementos como en recibir formación sobre accións prácticas para reducir a nosa pegada ecolóxica.

Estamos a formar un grupo de adultos interesados nestas temática cos seguintes obxectivos:

- Medir e reducir ao longo do programa a nosa pegada ecolóxica.

- Mudar hábitos de consumo por outros menos agresivos medioambientalmente e máis saudables.

- Identificar problemas ambientais na contorna do barrio e propoñer solucións viables aos problemas detectados.

- Compartir recursos, coñecementos e experiencias de forma horizontal entre nos.

Se compartes estes intereses podes contactar das seguintes maneiras:

- Na dirección de correo electrónico Ecocastineirino@gmail.com

- Achegándote o martes 6 ás 19:30 o CC “Agustín Bueno” de O Castiñeiriño para facer o calculo da pegada ecolóxica do teu fogar.

Nos dous casos agradeceríamos que nos achegaras a folla de inscrición (pinchando no enlace podes abrir o formulario en googleforms).

As actividades previstas Hasta decembro son as seguintes:

• 1ª semana de novembro: Calculo da pegada ecolóxica

• 3ª semana de novembro: Alimentación ¿saudable? Charla. Relator por confirmar.

• 1ª semana de decembro: Xestión de residuos ¿Como reducir o noso impacto nas datas que máis desperdicios se xeran? Relator por confirmar.

Paralelamente contemplamos a posibilidade de crear grupo/s de traballo temático/s segundo o voso interese para o cal é importante que cubrades a folla de inscrición.

Saúdos e agardamos vervos pronto.

Ecocastiñeiriño